Сөүлийн хөрөнгийн зах зээл хиймэл оюун ухааны санаа зовнилоор огцом уналттай нээгдэв

Өмнөд Солонгосын хувьцааны зах зээл мягмар гаригт хиймэл оюун ухааны дэд бүтцийн асар их зардлын санаа зовнилоор огцом уналттай нээгдсэн гэж Ёнхап агентлаг мэдээлжээ.

Гол индекс КОСПИ өглөөний 9:15 цагийн байдлаар 196.71 нэгж буюу 3.36 хувиар буурч, 5662.37 болжээ. Өмнөх шөнө АНУ-ын Насдак индекс 1.07 хувь, Эс энд Пи 500 индекс 0.51 хувь буурч, Доу Жонс индекс 0.41 хувь өссөн байна.

Самсунг Электроникс 4.59 хувь, Эс Кей Хайникс 5.1 хувиар унажээ.

Хёндай Мотор 1.57 хувь, Дусан Энербилити 3.77 хувь, Эйч Ди Хёндай Хэви Индастриз 2.26 хувь, Ханва Аэроспейс 0.81 хувиар буурсан байна.

Газрын тосны үнэ АНУ, Ираны энхийн гэрээний найдлагаар буурчээ. Солонгосын вон ханш өмнөх өдрөөс 3.95 воноор чангарч, нэг доллар 1342.05 вон болсон байна.