Италийн цанын бааз дээр Кей Эф Си хүнсний газар нээгдэх гэж байгаа нь эсэргүүцэл төрүүлжээ
Италийн цанын налуу дээр түргэн хоолны газар анх удаа нээгдэх гэж байгаа нь уулын болон хоолны уламжлалыг хамгаалагчдын дургүйцлийг хүргэжээ.
The GuardianAngela Giuffrida in Rome1 мин унших
The Guardian
Америкийн Кей Эф Си түргэн хоолны сүлжээ Италийн Доломитын уулс дахь хамгийн нэр хүндтэй хоёр цанын бааз болох Кортина д'Ампеццо, Мадонна ди Кампильод 12 дугаар сарын 5-нд салбараа нээх гэж байгааг Гардиан сонин мэдээлжээ.
Италийн цанын налуу дээр түргэн хоолны газар нээгдэж буй анхны тохиолдол бөгөөд компани энэ санаачилгаа хүмүүсийг гайхшруулах, хэн ч хүлээгээгүй газарт хүрэх зорилготой гэж тайлбарлажээ.
Кортина д'Ампеццогийн Фалориа уулын дэд бүтцийг удирддаг компанийн гол хувьцаа эзэмшигч Альберико Зардини далайн түвшнээс дээш 2123 метрт нээгдэх салбарыг эсэргүүцэж, шүүхэд хандана гэж сануулжээ.
«Ийм санаа гарсан нь л ичгүүртэй» гэж Зардини Италийн Иль Мессаджеро сонинд хэлсэн байна.
Мадонна ди Кампильо дахь салбар 1700 метрийн өндөрт, тансаг цанын клубын хажууд байрлах юм.
Италийн дээд зэрэглэлийн хүнсний дэлгүүрийн сүлжээ Итейлиг үүсгэн байгуулагч Оскар Фаринетти энэ брэнд тэнд огт тохирохгүй гэж шүүмжилж, италичууд өөрсдийн хоолны соёлоо илүү үнэлэх ёстойг онцолжээ.
Харин Трентиногийн хамгийн эртний уулчдын холбооны дарга Кристиан Феррари шарсан тахиа бол хамгийн их санаа зовох асуудал биш гэж илүү тайван хандсан байна.
