Кенийн Фиби Окова Олон улсын шүүхийн шүүгчээр сонгогдов
НҮБ Олон улсын шүүхийн таван шүүгчийг сонгож, Кенийн Фиби Окова 2027 оны 2 дугаар сараас есөн жилийн бүрэн эрхийн хугацаатай ажиллах болжээ гэж Африканьюс телевиз мэдээлэв.
Окова Ерөнхий Ассамблейд 183, Аюулгүй байдлын зөвлөлд 13 санал авсан байна.
Тэрбээр Лондонгийн Куин Мэри их сургуулийн олон улсын эрх зүйн профессор бөгөөд 2021 оноос НҮБ-ын Олон улсын эрх зүйн комисст ажиллаж байгаа аж.
Их Британийн Дапо Аканде, Францын Франсуа Алабрюн, Иорданы Махмуд Хмуд, Сингапурын Рена Ли нар мөн сонгогджээ.
Гаагт төвтэй шүүх 15 шүүгчтэй бөгөөд гурван жил тутам таван суудлын сонгууль болдог юм.
