Хэйлунцзян муж бусад бүс рүү нийлүүлэх цахилгааны гэрээгээ анх удаа 20 тэрбум киловатт цагаас давуулжээ

Хятадын зүүн хойд хэсгийн Хэйлунцзян муж энэ онд бусад бүс нутагт цахилгаан дамжуулах гэрээгээ анх удаа 20 тэрбум киловатт цагаас давуулж, үүний 13.711 тэрбум киловатт цаг нь цэвэр эрчим хүч байгааг Төрийн цахилгаан сүлжээний Хэйлунцзяны салбарыг иш татан И Си Эн Эс сайт мэдээлжээ.

11 дүгээр сарын 1-ний байдлаар гэрээт нийлүүлэлт Хятадын зүүн хойд, хойд, зүүн, төв, баруун хойд, баруун өмнөд зэрэг зургаан бүсийн 20 мужийн түвшний нутаг дэвсгэрийг хамарч дээд амжилт тогтоожээ.

Хэйлунцзян бол салхи, нарны эрчим хүчний их нөөцтэй Хойд Хятадын цэвэр эрчим хүчний томоохон бааз юм. Муж 2030 он гэхэд салхи, нарны эрчим хүчний суурилагдсан хүчин чадлыг нийт хүчин чадлын 65 гаруй хувь болгож, одоогийнхоос хоёр дахин нэмэгдүүлэхээр төлөвлөж байна.

2026 онд баригдаж буй 500 киловольтын арван гурван төслийн зургаа нь шинэ эрчим хүчний эх үүсвэрийг сүлжээнд холбох зориулалттай. Компани 2026-2030 онд хэт өндөр хүчдэлийн дамжуулах шугамуудын бүтээн байгуулалтыг урагшлуулж, шинэ эрчим хүчийг сүлжээнд холбох 30 сая орчим киловаттын хүчин чадал нэмэхээ мэдэгджээ.