Хойд Солонгос шинэ төрлийн торпедо туршиж, 2027 оны эхээр байршуулахаар төлөвлөжээ

Хойд Солонгос Зүүн тэнгист шинэ төрлийн торпедо туршиж, 2027 оны эхээр тэнгисийн цэргийн хүчиндээ байршуулахаар төлөвлөж байгаагаа мягмар гарагт мэдэгдсэнийг Ёнхап агентлаг мэдээлжээ.

Хойд Солонгосын төрийн мэдээллийн агентлагийн мэдээлснээр Батлан хамгаалахын шинжлэх ухааны академи болон холбогдох газрууд даваа гарагт шинэ өндөр хурдны торпедогийн байлдааны үр нөлөөг баталгаажуулжээ.

Пхеньян торпедогийн техникийн үзүүлэлтийн талаар нэмэлт мэдээлэл өгөөгүй байна.

Хойд Солонгос өнгөрсөн сард хиймэл оюун ашигладаг шинэ өндөр хурдны торпедогийн усан доорх туршилт хийж, 3000 тоннын шумбагч онгоцноос хоёр төрлийн стратегийн далавчит пуужин харваж байжээ.

Мөн 6 дугаар сард 5000 тоннын Чве Хён, 9 дүгээр сард 5000 тоннын Кан Гон устгагч хөлгийг ашиглалтад оруулсан юм.

Удирдагч Ким Жон Ун 6 дугаар сард тэнгисийн цэргийн хүчнийг цөмийн зэвсгээр зэвсэглэх хөтөлбөр төлөвлөсөн ёсоор хэрэгжиж байгааг хэлж байжээ.