Хёндэ Моторын Эйч Ту брэнд Хятадад устөрөгчийн тээврийг өргөжүүлэхээр Эйр Ликидтэй хамтарчээ

Хёндэ Мотор групп устөрөгчийн бизнесийн Эйч Ту брэндээрээ Францын үйлдвэрийн хийн Эйр Ликид компанитай хамтран Хятадад устөрөгчөөр ажилладаг тээврийн хэрэгслийг өргөжүүлэхээ даваа гарагт мэдэгдсэнийг Ёнхап агентлаг мэдээлжээ.

Группын гадаад дахь анхны устөрөгчийн түлшний эсийн систем үйлдвэрлэх бааз болох Эйч Ту Гуанжоу өнгөрсөн долоо хоногт Шанхайд нээгдсэн Хятадын олон улсын импортын үзэсгэлэнгийн үеэр Эйр Ликид Хятад компанитай хамтын ажиллагааны гэрээ байгуулсан байна.

Гэрээний дагуу хоёр компани Эйч Ту Гуанжоугийн түлшний эсийн системийн технологийг Эйр Ликидийн устөрөгч үйлдвэрлэх, хадгалах, тээвэрлэх, дэд бүтэц хөгжүүлэх туршлагатай хослуулна.

Ингэснээр түлшний эсийн технологийг устөрөгчийн нийлүүлэлт, цэнэглэх дэд бүтэцтэй нэгтгэх юм.