Хонконгийн орон сууцны байгууллага түймрийн ойн өдөр гал түймрийн сургуулилт товлосондоо уучлалт гуйжээ

Хонконгийн Орон сууцны нийгэмлэг Ван Фук Корт түймрээс амьд үлдэгсэд голлон амьдардаг хороололд гал түймрийн сургуулилтыг түймрийн нэг жилийн ойн өдөр товлосондоо уучлалт гуйж, хойшлуулсныг Хонконг Фри Пресс сайт мэдээлжээ.

Ван Фук Кортын оршин суугч асан гэж өөрийгөө танилцуулсан, одоо Хун Шүй Кьюгийн Эминенс цамхагт амьдардаг хэрэглэгч сургуулилтыг 11 дүгээр сарын 26-нд буюу өнгөрсөн жил түймэр гарсан өдөр товлосон мэдэгдлийг олон нийтийн сүлжээнд нийтэлжээ.

«Бидний шарханд яагаад давс асгаад байгаа юм бэ?» гэж тэрээр бичсэн байна.

Мэдэгдлийн дагуу сургуулилт болон галын аюулгүй байдлын яриа 11 дүгээр сарын 26-ны өдрийн 2.30 цагт болох байв.

Орон сууцны нийгэмлэг Даваа гарагийн нийтлэлд хариулахдаа уг зохион байгуулалт оршин суугчдад тав тухгүй байдал үүсгэснийг хүлээн зөвшөөрч, уучлалт гуйжээ. Байгууллага арга хэмжээг өөр өдөр шилжүүлж, оршин суугчдад шинэчилсэн мэдэгдэл хүргэнэ гэжээ.

Ван Фук Кортын түймэрт нэг гал сөнөөгч зэрэг 168 хүн амь үрэгдэж, хорооллын олон мянган оршин суугч нүүхэд хүрсэн юм.