Ли Жэ Мён дээд амжилт тогтоох 820.9 их наяд воны төсвийг батлахыг парламентаас хүсэв

Өмнөд Солонгосын Ерөнхийлөгч Ли Жэ Мён ирэх оны төсвийг батлахыг даваа гарагт Үндэсний ассамблейгаас хүсэж, хагас дамжуулагчийн өсөлтөөс орох татварын нэмэлт орлогод түшиглэсэн 162 их наяд вон буюу 120.83 тэрбум ам.долларын сангийн тухай ярьсан гэж Кориа Таймс мэдээлжээ.

«Шинэ сан нь боломжит өсөлтийг сэргээх стратегийн хөрөнгө оруулалтын талбар, хэлбэлзэл ихтэй татварын орлогыг зохицуулах шинэлэг механизм болно» гэж Ли хэлжээ.

Хиймэл оюун болон хагас дамжуулагч, физик хиймэл оюун, дата төв гэсэн гурван томоохон төсөлд энэ оныхоос бараг хоёр дахин их буюу 21.3 их наяд вон зарцуулна. Дараагийн үеийн 10 стратегийн технологид 13.8 их наяд вон төсөвлөжээ.

Ерөнхийлөгч нийгмийн халамжийг өргөжүүлж, шаардлага хангасан иргэдэд гол тэтгэмжийг автоматаар олгох, амьжиргааны тэтгэмжийг нэмэхээ амлав.

Төсөв, дагалдах хуулийн төслүүдийг хуулиар тогтоосон хугацаа болох арванхоёрдугаар сарын 2 гэхэд батлах ёстой. Ли албан тушаалд орсноос хойш төсвийн асуудлаар дөрөв дэх удаагаа парламентад үг хэлж байгаа юм.