Өмнөд Солонгосын Агаарын цэрэг АНУ-ын сансрын дайны сургуулилтад анх удаа оролцоно

Өмнөд Солонгосын Агаарын цэрэг АНУ-ын тэргүүлсэн олон улсын сансрын дайны сургуулилтад энэ долоо хоногт анх удаа оролцохыг албаны хүмүүс даваа гарагт мэдэгдсэн гэж Кориа Таймс мэдээлжээ.

Партнер ту Вин нэртэй сургуулилт даваагаас баасан гараг хүртэл Флоридад үргэлжилнэ. Сургуулилтыг АНУ-ын Сансрын хүчин энэ жил анх эхлүүлжээ.

Оролцогч орнуудын төлөөлөгчид сансарт үүссэн төвөгтэй хямралын загварт хариу арга хэмжээ, хамтын ажиллагааг хэлэлцэх юм.

Сургуулилтын зорилго нь сансрын хамтарсан ажиллагааны бэлэн байдлыг сайжруулж, түнш орнуудтай бодлого, стратегийн уялдааг бэхжүүлэх явдал юм. Солонгосын Агаарын цэрэг холбоотнуудтай сансрын хамтын ажиллагаагаа өргөжүүлж, цаашид олон улсын хамтарсан ажиллагаанд тэргүүлэх суурь тавихыг зорьж байна.