Лондонгийн тангарагтны шүүх Рассел Брэндийг хүчингийн хэрэгт буруутай гэж үзжээ

Лондонгийн тангарагтны шүүх Британийн инээдмийн жүжигчин Рассел Брэндийг хүчингийн нэг, бэлгийн хүчирхийллийн гурван хэрэгт буруутай гэж үзсэн гэж Евроньюс телевиз мэдээлэв.

Гэмт хэргүүд 2005-2009 онд дөрвөн эмэгтэйтэй холбоотой гарчээ. Шүүх түүнийг хүчингийн хоёр, садар самуун хүчирхийллийн оролдлогын нэг зүйлээс цагаатгасан бөгөөд Брэнд бүх зүйлийг няцааж байв.

«Хэчнээн алдартай, эрх мэдэлтэй ч хэн ч хуулиас дээгүүр биш гэдгийг энэ шийдвэр тод харуулна гэж найдаж байна» гэж Лондонгийн цагдаагийн ахлах мөрдөгч Энди Ферфи хэлжээ.

Шүүгч Жоэл Беннатан түүнийг шоронд хорих хүнд ял хүлээж байгааг мэдэгдэж, барьцаанд гаргахаас татгалзсан байна.

Их Британид хүчингийн хэрэгт дээд тал нь бүх насаар хорих ял оноодог юм. Брэнд поп дуучин Кэти Перритэй богино хугацаанд гэрлэж байсан.