Луйварчид ногдсон татварыг шалгах нэрээр хуурч байгааг Оросын Дотоод хэргийн яам анхааруулав

Луйварчид Холбооны татварын албаны нэрийг барьж, ногдсон татвараа шалгах шаардлагатай хэмээн Оросын иргэдэд фишинг холбоос илгээх болсныг РИА Новости агентлагийн үзсэн Дотоод хэргийн яамны материалд дурджээ.

“Мессенжерээр иргэдэд Оросын Холбооны татварын албаны нэрийн өмнөөс татварын ногдлыг шалгах шаардлагатай гэсэн мессеж ирж байна. Мессежид холбоосоор орохыг санал болгодог бөгөөд энэ нь үнэндээ хуурамч сайт руу хөтөлдөг” гэж материалд дурдсан байна.

Хуурамч сайт хэрэглэгчээс мэдэгдэлд ирсэн кодыг оруулж нэвтрэхийг хүсдэг. Үүний дараа дэлгэцэнд Госуслуги дахь бүртгэлийг нь хакердсан гэх мэдээлэл, техникийн дэмжлэгийн утасны дугаар гарч ирдэг. Эдгээр дугаар үнэндээ луйварчдын дуудлагын төвийнх аж.

Татварын мэдээллийг зөвхөн Холбооны татварын албаны албан ёсны сайт дахь хувийн хуудас эсвэл албаны аппликейшнээр шалгах, мессенжер дэх холбоосоор орохгүй байх, баталгаагүй сайтад хувийн мэдээллээ оруулахгүй байхыг Дотоод хэргийн яам зөвлөж байна.