Молдав Москвад очсон Приднестровийн удирдагчид хязгаарлалт тавихаар төлөвлөж байна

Молдавын эрх баригчид хүлээн зөвшөөрөгдөөгүй Приднестровийн удирдагч Вадим Красносельскийд Москвад очсоных нь төлөө хязгаарлалт тавихаар төлөвлөж байна гэж Ведомости сонин мэдээлэв.

Засгийн газрын дэргэдэх Дахин нэгтгэлийн товчооны мэдээгээр түүнийг буцаж ирсний дараа Молдаваас таван жил гарахыг хориглож болзошгүй аж.

Айлчлал нь ЕАБХАБ-ын зуучлалаар өвөл Приднестровьд байгалийн хий нийлүүлэх хэлэлцээрийн үеэр болсон гэж товчоо дурдаад, үүнийг Молдавын Европын интеграцид саад учруулах Оросын өдөөн хатгалга гэж нэрлэжээ.

Красносельский 8 дугаар сарын 28-нд Оросын энхийг сахиулагчид Приднестровьд үлдэнэ гэж мэдэгдэж байв.

Оросын Ерөнхийлөгч Владимир Путин 11 дүгээр сарын 4-нд Красносельскийг Хүндэтгэлийн одонгоор шагнасан юм.