Наран дээр үүссэн том титмийн нүх Дэлхийд соронзон шуурга үүсгэж магадгүй байна

Наран дээр 2026 оны хамгийн том титмийн нүхний нэг үүссэн гэж Ведомости сонин Оросын эрдэмтдийг иш татан мэдээлэв.

Энэ нүхний хөндлөн хэмжээ ойролцоогоор 1 сая километр бөгөөд нарны одон орон судлалын лаборатори энэ тухай мэдээлжээ.

Хиймэл дагуулын зурган дээр энэ нь том бараан хэсэг мэт харагддаг ч үнэндээ нарны агаар мандлын температур, плазмын нягт нь мэдэгдэхүйц бага хэсэг юм. Эндээс бодис секундэд хэдэн зуун, заримдаа 1,000 километр хүртэлх хурдаар сансарт цацардаг аж.

Дэлхий дор хаяж таван хоног энэ урсгалд байх төлөвтэй гэж лаборатори таамаглажээ.

Эхний соронзон шуурга 11 дүгээр сарын 7-ны шөнө хүлээгдэж байгаа бөгөөд хэдэн өдөр үргэлжилж болзошгүй аж. Дэлхийн соронзон орон 11 дүгээр сарын 13-14-өөс өмнө бүрэн тогтворжихгүй гэж эрдэмтэд тооцоолжээ.