Москвагийн бирж дээрх алтны арилжаа 10 дугаар сард түүхэн дээд хэмжээ буюу 52.2 тоннд хүрчээ

Москвагийн хөрөнгийн бирж дээрх алтны арилжаа 2026 оны 10 дугаар сард 52.2 тонн болж түүхэн дээд хэмжээнд хүрснийг Ведомости сонин мэдээлжээ.

Биет хэмжээгээр өнгөрсөн оны 10 дугаар сараас 62 хувиар, мөнгөн дүнгээр 1.7 дахин өсчээ.

Үнэт металлын үндсэн арилжааны нийт эргэлт ч сарын хамгийн өндөр үзүүлэлтэд хүрч, 9 дүгээр сард тогтоосон өмнөх дээд амжилтыг давжээ. Мөнгөн металлын арилжаа 100 шахам тонн, палладийнх 283 кг, цагаан алтных 147 кг байв.

Хувь хөрөнгө оруулагчдын эзлэх хувь алтны арилжаанд 4.7, мөнгөнд 19.1, палладид 34.3, цагаан алтанд 31 хувь байна.

Биржийн гүйцэтгэх захирал Антон Никитин бирж томоохон лотын гүйлгээний үйлчилгээ нэмж, арилжааны цагийг сунгах зэргээр зах зээлийн дэд бүтцийг хөгжүүлж байгааг онцолжээ. 9 дүгээр сард алтны арилжаа 45.9 тонн болж, өмнөх оны мөн үеэс 61 хувиар өссөн байна.