Нигер Зүүн Ливийн цэргийн удирдагч Хафтартай хамтын ажиллагааны санамж бичигт гарын үсэг зурав
Ниамей Триполи, Бенгази хоёртой зэрэг харилцаатай хэвээр байгаа аж.
Нигер Ням гарагт Зүүн Ливийн цэргийн удирдагч Халифа Хафтартай хоёр талын харилцааг бэхжүүлэх санамж бичигт гарын үсэг зуржээ гэж Африканьюс телевиз мэдээлэв.
Нигерийн Ерөнхий сайд Али Махаман Ламин Зейне улс төр, цэргийн албан тушаалтнуудын хамт Бенгази хотод айлчилсан байна.
Хоёр улс 340 гаруй километрийн хилтэй юм. Ливи 2014 оноос Триполи дахь НҮБ-ын хүлээн зөвшөөрсөн засгийн газар, зүүн хэсгийн өрсөлдөгч захиргаанд хуваагдсан аж.
Турк өнгөрсөн долоо хоногт хоёр талыг нэгтгэх зорилгоор Анкарад яриа хэлэлцээ зохион байгуулсан юм.
«Яриа хэлэлцээ одоогоор голчлон цэргийн нэгдэлд төвлөрч, улс төрийн нэгдлийг дараагийн шатанд авч үзнэ» гэж Туркийн нэгэн албан тушаалтан хэлжээ.
Ливи 2011 онд НАТО-гийн дэмжлэгтэй бослогоор Муаммар Каддафийг түлхэн унагаснаас хойш тогтворгүй байна.
