Нижний Новгород мужид нисгэгчгүй онгоцны халдлагын дараа шатахууны хязгаарлалт тогтоожээ

Оросын Нижний Новгород мужийн эрх баригчид ням гарагт нисгэгчгүй онгоцны их хэмжээний халдлагын дараа шатахуун түгээх станцуудын нөөцийг хангахын тулд хэд хэдэн хязгаарлалт тогтоосон гэж Интерфакс агентлаг мэдээлэв.

Мужийн засгийн газрын мэдээлснээр нэг машинд нэг удаад 40 литр хүртэл бензин олгох бөгөөд дизель түлшинд хязгаарлалт тогтоогоогүй байна.

Мөн бензинийг канистр болон бусад саванд зарахыг хориглож, улсын дугаарын эхний цифрээр тэгш, сондгой өдрүүдэд ээлжлэн шатахуун олгох тогтолцооны хяналтыг чангатгажээ.

Мужийн хилийн ойролцоох станцуудад бусад бүс нутгийн дугаартай машинд шатахуун олгохыг хязгаарласан нь анх удаагийн шийдвэр юм.

Мужийн штаб Батлан хамгаалах яам, яаралтай тусламжийн албадын хэрэгцээнээс бусад тохиолдолд агуулахаас мужаас гадагш шатахуун гаргахыг түр хязгаарлажээ.

Мужийн захирагч Глеб Никитин ням гарагт зуу гаруй нисгэгчгүй онгоц устгасан бөгөөд Кстово дүүргийн аж үйлдвэрийн байгууламж ихээхэн эвдэрсэн гэж өмнө нь мэдээлсэн юм.