Олон улсын итгэмжлэлийн зөвлөх Ли Жэ Гыныг Кэй Би Санхүүгийн группийн даргаар томилохыг дэмжжээ

Дэлхийн хамгийн том итгэмжлэлийн зөвлөх Институционал Шэрхолдер Сервисиз компани хувьцаа эзэмшигчдийг Ли Жэ Гыныг Кэй Би Санхүүгийн группийн даргаар томилохыг дэмжин санал өгөхийг зөвлөсөн гэж Кориа Таймс сонин мэдээлжээ.

Компанийн тайланд нэр дэвшигч болон төлөөлөн удирдах зөвлөлийн талаар мэдэгдэж буй асуудал байхгүй тул энэ шийдвэрийг дэмжих нь зүйтэй гэжээ. Мөн тус групп хорооны хурлын ирцийг сайн дураараа ил тод мэдээлдгийг сайшаасан байна.

Хувьцаа эзэмшигчид арваннэгдүгээр сарын 20-нд болох ээлжит бус хурлаар Ли Жэ Гыныг томилох эсэх талаар санал хураах бөгөөд томилогдвол тэрбээр 2029 оны арваннэгдүгээр сар хүртэл гурван жилийн хугацаатай группийг удирдана.

Тус групп Өмнөд Солонгосын томоохон санхүүгийн холдинг компаниудын дундаас гадаад өмчийн хамгийн өндөр хувьтай бөгөөд баасан гарагийн байдлаар гадаадын хөрөнгө оруулагчид хувьцааных нь 78.24 хувийг эзэмшиж байжээ.

Ли Жэ Гын гуч гаруй жил тус группт санхүү, стратеги, гадаад үйл ажиллагааны чиглэлээр удирдах албан тушаал хашиж, 2022 онд салбарын хамгийн залуу банкны тэргүүн болж байжээ.

Санхүүгийн эрх баригчид санхүүгийн холдинг компаниудын дарга нарын удаан хугацаагаар ажиллахыг хязгаарлаж, залгамж халааг ил тод болгох засаглалын шинэчлэл хийж байгаа энэ үед удирдлагын өөрчлөлт гарч байгаа юм.