Өмнөд Солонгос, АНУ, Японы гадаад хэргийн сайд нар Хойд Солонгосын асуудлыг хэлэлцэнэ

Өмнөд Солонгос, АНУ, Японы гадаад хэргийн сайд нар баасан гарагт АНУ-д уулзаж, Солонгосын хойгийн асуудал болон эдийн засгийн аюулгүй байдлын хамтын ажиллагааг бэхжүүлэх арга замыг хэлэлцэнэ гэж албаны хүмүүс мэдэгджээ. Энэ тухай Ёнхап агентлаг мэдээлэв.

Гадаад хэргийн сайд Чо Хён Атлантад болох Хорины бүлгийн гадаад хэргийн сайд нарын уулзалтын үеэр АНУ-ын Төрийн нарийн бичгийн дарга Марко Рубио, Японы Гадаад хэргийн сайд Тошимицү Мотэги нартай гурван талын уулзалт хийх юм.

Сайд нар Хойд Солонгосын сүүлийн пуужин харвалт, Ким Чен Ын саяхан Хятадад айлчилсны дараа Пхеньян, Бээжингийн харилцаа ойртож байгааг үнэлж, Пхеньяны эсрэг хариу арга хэмжээгээ уялдуулах арга замыг хэлэлцэх төлөвтэй байна.

Мөн Пхеньяныг яриа хэлэлцээнд эргэн оруулах арга зам, гурван орны эрчим хүч, эдийн засгийн аюулгүй байдлын хамтын ажиллагааг хэлэлцэх юм.

Гурван сайд хамгийн сүүлд есдүгээр сард Нью-Йоркт НҮБ-ын Ерөнхий Ассамблейн чуулганы үеэр уулзаж, Хойд Солонгосыг бүрэн цөмийн зэвсэггүй болгох амлалтаа дахин баталж, Пхеньяныг яриа хэлэлцээний ширээнд эргэн суухыг уриалсан юм.