Өмнөд Солонгос, Болгар цөмийн станцын хамтын ажиллагаагаа дахин баталгаажуулжээ

Өмнөд Солонгос, Болгар шинэ атомын цахилгаан станцын төслийн хамтын ажиллагаагаа дахин баталгаажуулж, эдийн засгийн харилцаагаа өргөжүүлэх талаар ярилцсан гэж Сөүлийн Гадаад хэргийн яамыг иш татан Ёнхап агентлаг мэдээлжээ.

Хорооны гурав дахь хуралдаан даваа гаригт Софи хотод болж, Өмнөд Солонгосын дэд сайд Пак Жон Хан, Болгарын дэд сайд Красимир Якимов хамтран даргалжээ.

Энэ нь 2019 оны есдүгээр сард Сөүлд болсон хуралдаанаас хойшхи анхны уулзалт юм.

Хоёр тал Козлодуй станцын төслийн амжилт эдийн засгийн хамтын ажиллагааны чухал үе шат болно гэж тохиролцжээ. Мөн батлан хамгаалах, тээвэр, шинжлэх ухаан, дижитал салбарын хамтын ажиллагааг хэлэлцсэн байна.

Өмнөд Солонгосын Хёндай Инженеринг энд Констракшн компани АНУ-ын Вестингхаус Электриктэй хамтран энэ төсөлд хоёр шинэ реактор барихаар ажиллаж байгаа юм.