Өмнөд Солонгосын Жунан Ильбо сониныг консорциум худалдаж авах гэрээ байгуулна

Өмнөд Солонгосын өрөнд орсон Жунан Ильбо сониныг СиЖей, Синсэге зэрэг дөрвөн компанийн консорциум Пүрэв гарагт худалдаж авах гэрээ байгуулна гэж Ёнхап агентлаг мэдээлэв.

Консорциум 520 тэрбум воны (388 сая ам.доллар) шинэ хувьцаа авч, хамгийн том хувьцаа эзэмшигч болох юм.

Даоу Текнолоджи 36.5 хувь, СиЖей 35.7 хувь, Синсэге 14.1 хувь, Сарамин 13.7 хувийг санхүүжүүлнэ.

Толгой компанийн хөрвөх чадварын асуудлаас болж сонин 7 дугаар сард Хана банк тэргүүтэй зээлдүүлэгчдийн өрийн хөтөлбөрт орсон юм.

Сонин хувьцааны орлогоор санхүүгийн байдлаа сайжруулах бөгөөд консорциум ажилтан халахгүй, хэвлэлийн эрх чөлөөг хамгаалахаа амласан байна.