Орос БРИКС, ШХАБ-д стратегийн нөөцийн сан байгуулахыг санал болгов

ОХУ-ын Аюулгүй байдлын зөвлөлийн нарийн бичгийн даргын орлогч Александр Венедиктов БРИКС, Шанхайн хамтын ажиллагааны байгууллагад хямралд зориулсан нөөцийн сан байгуулахыг санал болгожээ. Энэ тухай Ведомости сонин мэдээлэв.

«Эрчим хүч, хүнсний аюулгүй байдлын эрсдэл огцом өссөн нь хямралын үед нөөцийн сан байгуулах хүртэл үйл ажиллагаагаа уялдуулах шаардлагатай болгож байна» гэж тэрбээр Минскт хэлсэн байна.

Нөөцөд эм, хүнс, эрчим хүч, бордоо, өнгөт, ховор болон газрын ховор металлыг авч үзэх аж.

Энэ санаа шинэ биш гэж Венедиктов дурджээ. АСЕАН-д будааны онцгой нөөц аль хэдийн ажиллаж байгаа юм.

Нөөцийг нөхөх зах зээлийн механизм, төлбөрийн хэлбэр, худалдан авах үнэ, солилцооны шалгуурыг урьдчилан тогтоох шаардлагатай аж.