Украины дрон Оросын Адыгейд Озон компанийн агуулахад гал гаргав

Украины дроны шөнийн халдлагаар Оросын Адыгей дахь Озон компанийн түгээлтийн төвд гал гарчээ гэж Москоу Таймс сонин мэдээлэв.

«Гал гарсан бөгөөд онцгой байдлын алба газар дээр нь ажиллаж байна» гэж компани мэдэгдсэн байна.

2023 оны сүүлээр нээгдсэн төвд 1,500 гаруй хүн ажилладаг бөгөөд Оросын өмнөд хэсгийн гол ложистикийн төвийн нэг аж.

Компани гэмтсэн барааг цахим худалдаанаас хасаж, хүргэлтийг цуцалж, ачааг бусад агуулах руу шилжүүлжээ.

Адыгейн тэргүүн Марат Кумпилов халдлагыг баталж, дроны хэлтэрхий өөр тосгоны хийн хоолойг гэмтээсэн гэж нэмсэн байна.

Зуны үеэс Озон болон өрсөлдөгч Вайлдберриз компанийн агуулахад олон арван ижил төстэй халдлага болжээ.