Оросын Фикс Прайс сүлжээ Монголоос бүрэн гарчээ
Компани шалтгаанаа олон нийтэд тайлбарлаагүй байна.
The Moscow Times1 мин унших
The Moscow Times
Оросын хямд үнийн Фикс Прайс жижиглэн худалдааны сүлжээ Монголын зах зээлээс бүрэн гарч, гурван дэлгүүрээ есдүгээр сарын эцэс гэхэд хаасныг Ведомости сониныг иш татан Москоу Таймс мэдээлжээ.
Монголын зах зээл бага, тээвэр логистикийн хүндрэлтэй тул бизнесээ тогтвортой явуулахад хэцүү байсан байх гэж шинжээчид Ведомостид хэлжээ.
Фикс Прайс 2023 оны нэгдүгээр сард Улаанбаатарт франчайзын хоёр дэлгүүр нээж, барааг Новосибирскийн түгээлтийн төвөөс ачааны машинаар тээвэрлэж байв.
Сүлжээ 2025 оны сүүлээр дөрвөн дэлгүүртэй болсон ч дараа нь цөөрүүлжээ. Киргизстанд ч зургаагаас дөрөв болгон цөөлсөн бол Узбекистанд 25-аас 30 болгон нэмж, Сербид 10 шинэ дэлгүүр нээсэн байна.
2007 онд байгуулагдсан Фикс Прайс 10 улсад 8219 дэлгүүртэй, Оросын хамгийн том хямд үнийн сүлжээ юм.
