Португалийн шүүх Лиссабоны талбайд майхан барихыг идэвхтэнд зөвшөөрөв

Португалийн шүүх идэвхтэн Рената Камбрад Лиссабоны Россиу талбайд майхан барихыг зөвшөөрч, орон сууцны төлөө жагсагчид 11 дүгээр сарын 2-нд баяраа тэмдэглэжээ гэж Евроньюс телевиз мэдээлэв.

Цагдаа амралтын өдрүүдэд жагсагчдыг тэндээс гаргаж байсан юм.

Шийдвэр цагдаагийн шаардаж байсан шөнийн 00:30-ын автомат хязгаарлалтыг хүчингүй болгож, майхныг хууль бусаар эзэлсэн хэрэг биш, жагсаалын бэлгэдлийн хэсэг гэж хүлээн зөвшөөрчээ.

Акампада хөдөлгөөн орон сууцны хямрал, түрээслэгч ба эзний харилцааг зохицуулах хуулийн эсрэг тэмцэж байна. Камбрагийн хэлснээр, орон сууцны үнэ огцом өсөж, аялал жуулчлал, богино хугацааны түрээс, тансаг орон сууц зардлыг нэмэгдүүлж байгаа аж.