Сенегалд болж буй Залуучуудын олимпод дүрвэгсдийн баг анх удаа оролцож байна

Кени, Угандагийн дүрвэгсдийн хуарангаас ирсэн тамирчид Сенегалд болж буй Залуучуудын олимпод оролцож байгаа нь дүрвэгсдийн баг энэ тэмцээнд анх удаа оролцож буй хэрэг гэж Африканьюс телевиз мэдээлжээ.

Олон улсын олимпын хорооны байгуулж, Олимпын дүрвэгсдийн сангийн удирддаг тус баг жүдо, таеквондо, хөнгөн атлетикийн төрлөөр өрсөлдөж байна.

Гүйгч Флоренс Масумбе эх орноо төлөөлж байгаадаа бахархаж, медаль хүртэнэ гэж найдаж байгаагаа хэлжээ. Тэрбээр дүрвэгсэд амжилтад хүрч чадна гэдгийг харуулахыг хүсч байгаа аж.

Жүдочин Арно Яфунга бэлтгэл нь түүнийг Найробийн гэмт бүлэглэл болон бусад хортой нөхцөл байдлаас хол байлгахад тусалсан гэж ярьжээ.

Тэмцээн Дакар болон ойролцоох Диамниадио, Сали хотуудад болж байна.

Олимпын дүрвэгсдийн анхны баг 2016 онд Рио-де-Жанейрогийн олимпод оролцож байжээ.