Сенегалын Дакар дахь серфингийн сургууль Африкийн залуучуудад далайн давалгаа хөлөглөхийг заажээ

Дакарын хойд эрэгт орших уламжлалт загасчдын тосгон Нгорын далайн эрэг дээр залуу серфингчдийн шинэ үе Атлантын далайн давалгаа хөлөглөж сурч байгааг Евроньюс телевиз мэдээлжээ.

Анда Серф сургуулийн орон нутгийн сайн дурынхан хүүхдүүдэд тэнцвэрээ олох, самбар дээр зогсох, усанд өөртөө итгэлтэй байхыг зааж байна. Сургууль төлбөртэй хичээлээс гадна ням гараг бүр орон нутгийн хүүхдүүдэд үнэгүй хичээл заадаг аж.

Серфинг Сенегалын эрэгт түгээмэл болж буй ч үнэтэй тоног төхөөрөмж, нөөц хязгаарлагдмал, гадаадад тэмцээнд оролцох зардал өндөр байгаа нь томоохон саад хэвээр байна. Самбараа ихэвчлэн хуваан хэрэглэдэг бөгөөд олон залуу тохирох хувцасгүй гэнэ.

Сенегал Африкийн нутаг дээр анх удаа болж буй олимпын арга хэмжээ болох Залуучуудын олимпын наадмыг зохион байгуулж байна.

Серфинг медальгүй арван төрлийн нэг болж залуу тамирчдад өөрсдийгөө харуулах боломж олгожээ.