Швейцарьд Гринпис дата төвийн талбайн дэргэд томоохон технологийн компаниудыг шүүмжилсэн аварга туг дэлгэжээ

Швейцарийн Беринген хотод Америкийн СТАК Инфраструктур компанийн барьж буй дата төвийн хажуугийн талбайд Гринпис байгууллагын идэвхтнүүд Илон Маск, Жефф Безос нарын зураг бүхий 676 метр квадрат талбайтай аварга туг дэлгэснийг Евроньюс телевиз мэдээлжээ.

Тугт томоохон технологийн компаниудын эздийг иргэдийн ус, цахилгаан, мэдээллийг сорж байна гэж шүүмжилсэн уриа бичжээ.

Гринписийн мэдээлснээр Берингенд барихаар төлөвлөсөн хоёр байгууламж жилд Шаффхаузен кантоны нийт хэрэглээнээс нэг хагас дахин их цахилгаан хэрэглэж, хөргөлтөд их хэмжээний ус шаардах юм.

Гринпис эрчим хүч, усны нөөц, олон нийтийн ашиг сонирхлыг хамгаалах заавал мөрдөх журам батлагдах хүртэл шинэ том дата төв барихыг улс даяар түр зогсоохыг шаардаж байна. Энэ жагсаал Европ даяар явагдаж буй томоохон дата төвүүдийн эсрэг олон улсын кампанит ажлын нэг хэсэг юм.