Си Жиньпин Персийн булан их гүрний өрсөлдөөний талбар болох ёсгүй гэж Оманы Султанд хэлжээ
Хятад, Оман Ормузын хоолойгоор аюулгүй тээвэрлэлтийг сэргээхийг уриалав.
Хятадын Ерөнхийлөгч Си Жиньпин даваа гарагт Бээжинд Оманы Султан Хайсамтай уулзахдаа Ойрхи Дорнод, Персийн булан их гүрний өрсөлдөөний талбар болох ёсгүй гэж хэлснийг Дэ Нэшнл мэдээлжээ.
Хоёр улс 20 заалт бүхий хамтарсан мэдэгдэлдээ Ормузын хоолойгоор хэвийн, аюулгүй тээвэрлэлтийг сэргээхийг уриалжээ. АНУ, Иранд зургадугаар сард хүрсэн тохиролцоондоо эргэн орж, яриа хэлэлцээгээ сэргээхийг мөн хүссэн байна.
«Бүс нутгийн энх тайван, тогтвортой байдлыг бүх тал хамтдаа хамгаалах ёстой» гэж Си хэлсэн гэж Хятадын Гадаад хэргийн яам мэдээлжээ.
Энэ нь 1978 онд дипломат харилцаа тогтоосноос хойш Оманы төрийн тэргүүний анхны айлчлал юм. Хятад бол Оманы хамгийн том худалдааны түнш бөгөөд Султан хөнгөлөлттэй худалдаа, хөрөнгө оруулалтын хэлэлцээрт нээлттэй байгаагаа илэрхийлжээ.
Хятадын Ойрхи Дорнодын асуудал хариуцсан тусгай элч Жай Жүн энэ сард Иран, Оман, Саудын Арабт айлчлах юм.
