Тайландад хэт хүчтэй Эль-Ниньогийн улмаас ирэх жил агаарын бохирдол улам нэмэгдэж болзошгүй
Тайландад 16 сая орчим хүн агаарын бохирдолд эмзэг бүлэгт багтдаг.
Тайландын яамны дэд нарийн бичгийн дарга Саравут Бунсук хэт хүчтэй Эль-Ниньо удаан үргэлжлэх ган гачиг дагуулж, нарийн ширхэгт тоосонцрын бохирдол өмнөх жилүүдээс илүү хүндэрч болзошгүй гэж Баасан гарагт мэдэгдсэнийг Бангкок Пост сонин мэдээлжээ.
Түүний хэлснээр одооноос 5 дугаар сар хүртэл онцгой сонор сэрэмжтэй байж, улс даяарх эмзэг бүлгийн хүмүүсийг хамгаалахад урьдчилан бэлтгэх шаардлагатай.
Амьсгалын замын өвчин, харшил, зүрх судасны өвчтэй хүмүүс, бага насны хүүхэд, жирэмсэн эмэгтэй, өндөр настан нэн тэргүүнд хамгаалагдах бүлэгт багтана. Тоосгүй өрөө, бохирдлын эмнэлгийг бодит цагт олох боломжтой гар утасны аппликейшн нэвтрүүлж, алсын зайн эмчилгээгээр зөвлөгөө өгөхөөр болжээ.
Бангкок хотын захирагч Чадчат Ситтипунт утаат улирлын турш буюу одооноос 3 дугаар сар хүртэл хяналтын жагсаалтад тэнцээгүй тээврийн хэрэгслийг хот руу нэвтрэхийг хязгаарлах бөгөөд шаардлага хангаагүй дөрвөн дугуйт ачааны машиныг хориглох юм.
2024-2026 оны статистикаар Тайландын 60 гаруй мужид тоосонцрын түвшин стандартаас давж байжээ.
