Токаев Асель Жанасоваг Шадар сайд, Тээврийн сайдаар томилов
Казахстан дэд бүтцийн томоохон төлөвлөгөө хэрэгжүүлэхээр бэлтгэж байх үед томилгоо хийгджээ.
Казахстаны Ерөнхийлөгч Касым-Жомарт Токаев 11 дүгээр сарын 3-нд Тээврийн сайдаа сольж, Асель Жанасоваг Шадар сайд, Тээврийн сайдаар томилжээ гэж Таймс оф Сентрал Эйша сайт мэдээлэв.
Тэрбээр Нурлан Сауранбаевыг сольж байгаа бөгөөд Ерөнхийлөгчийн тамгын газар шалтгааныг тайлбарлаагүй байна.
Сауранбаевыг чөлөөлөхөөс зургаан хоногийн өмнө Токаев замын чанарыг шүүмжилсэн аж.
1987 онд төрсөн Жанасова Кембрижийн их сургуулийг төгсөж, 2022-2025 онд Казпостыг удирдаж байжээ.
Токаев 2029 он гэхэд Үндэсний сангаас дэд бүтцэд 6.5 их наяд тенге буюу 14.3 тэрбум ам.доллар гаргахаар төлөвлөж байна.
272 километрийн Бахты-Аягоз төмөр зам 2027 онд ашиглалтад орж, Хятадтай хилийн шинэ боомт нэмэх юм.
