Трампын тусламж зогсоох мэдэгдэл Израильчуудыг гайхшруулжээ

АНУ 2026 оны эцсээс Израильд цэргийн санхүүгийн тусламж өгөхөө зогсооно гэдгийг урьдчилан мэдэгдээгүй гэж Израилийн хэвлэлүүд бичжээ. Энэ тухай Интерфакс агентлаг мэдээлэв.

Жерузалем Пост сонины Израилийн армид байгаа нэг эх сурвалж тайлбар хийхээс татгалзаж, нөгөө нь гайхсанаа илэрхийлсэн байна.

Вайнет сайтын мэдээлснээр, Сангийн яам Трампын шийдвэрийг мэдээгүй аж. «Хоёр жилийн тусламжаас татгалзана гэдэг нь үндсэндээ 8 тэрбум ам.доллар» гэж эдийн засгийн салбарын өндөр албан тушаалтнууд хэлжээ.

АНУ, Израиль 2016 онд байгуулсан санамж бичгээр 2019-2028 онд 38 тэрбум ам.доллар буюу жилд 3.8 тэрбум ам.доллар олгохоор тохирсон. Санамж бичиг хууль зүйн заавал биелүүлэх хүчгүй бөгөөд зардлыг АНУ-ын Конгресс батладаг.

Трамп Фокс Ньюс телевизэд Бенямин Нетаньяхутай тохиролцсоны дагуу оны эцсээс мөнгө олгохоо зогсооно, Израильд ийм тусламж хэрэггүй гэж хэлсэн байна. Гэхдээ Израиль зэвсэг худалдаж авч болно гэж тэрбээр нэмжээ.

Нетаньяху 10 дугаар сарын сүүлээр энэ тусламж хэзээ нэгэн цагт зогсоно гэж таамаглаж байсан юм.