Турк, Зүүн Тиморын ерөнхийлөгчид энэ долоо хоногт Өмнөд Солонгост айлчилна

Туркийн Ерөнхийлөгч Реджеп Тайип Эрдоган, Зүүн Тиморын Ерөнхийлөгч Жозе Рамуш-Орта нар энэ долоо хоногт тус тусдаа Өмнөд Солонгост айлчилж, Ерөнхийлөгч Ли Жэ Мёнтэй дээд түвшний уулзалт хийнэ гэж Ёнхап агентлаг мэдээлжээ.

Ерөнхийлөгчийн хэвлэлийн төлөөлөгч Кан Юн Хыны мэдээлснээр Эрдоган даваа гарагаас лхагва гараг хүртэл төрийн айлчлал хийж, мягмар гарагт Ли Жэ Мёнтэй уулзана.

Энэ нь Эрдоганы 2018 оноос хойших Өмнөд Солонгост хийх анхны айлчлал юм. Удирдагчид худалдаа, хөрөнгө оруулалт, батлан хамгаалах үйлдвэрлэл, атомын цахилгаан станц зэрэг салбарын хамтын ажиллагааг хэлэлцэж, Солонгосын хойг болон Ойрх Дорнодын нөхцөл байдлын талаар санал солилцох төлөвтэй байна.

Рамуш-Орта пүрэв гарагаас бямба гараг хүртэл албан ёсны айлчлал хийх бөгөөд энэ нь хоёр орон 2002 онд дипломат харилцаа тогтоосноос хойш Зүүн Тиморын удирдагчийн хийх анхны айлчлал болох юм.

Хоёр удирдагч баасан гарагт уулзаж, харилцан ойлголцлын санамж бичигт гарын үсэг зурах ёслол, албан ёсны үдийн зоог, хамтарсан мэдэгдэл хийх ажиллагаа болно.