ЕХ АНУ, Их Британитай Украины сэргээн босголтын яриа зохион байгуулна

Европын Комисс Лхагва гарагт АНУ, Украин, Европын холбоотнуудын төлөөлөгчидтэй Украины дайны дараах сэргээн босголт, эдийн засгийн ирээдүйн талаар яриа зохион байгуулна гэж хэвлэлийн төлөөлөгч Паула Пиньо Мягмар гарагт баталжээ. Энэ тухай Политико сайт мэдээлэв.

Уулзалтад Франц, Герман, Их Британи, НАТО, Дэлхийн банкны албан тушаалтнууд оролцох юм.

Нэрээ нууцалсан ЕХ-ны албан тушаалтны хэлснээр, яриа Украины аюулгүй байдлын баталгаа, сэргээн босголтын эдийн засгийн дэмжлэгийг хамрах аж.

«Энэ мэдээллийг бага зэрэг хүлээх хэрэгтэй» гэж Пиньо АНУ-ын төлөөлөгчдийн талаар хэлжээ.

ЕХ-ны төлөөлөгчид үндэсний аюулгүй байдлын зөвлөхүүд, бусад өндөр албан тушаалтнууд байх бөгөөд өмнөх уулзалтуудад Урсула фон дер Ляйений тамгын газрын дарга Бьорн Зайберт оролцож байсан юм.