ЕХ-ны шүүх «Норд Стрийм 2»-ын хийн удирдамжийн эсрэг нэхэмжлэлийг хэрэгсэхгүй болгосон шийдвэрийг баталжээ

Европын холбооны шүүх Пүрэв гарагт «Норд Стрийм 2» компанийн ЕХ-ны хийн удирдамжийг эсэргүүцсэн нэхэмжлэлийг хэрэгсэхгүй болгосон доод шатны шүүхийн шийдвэрийг хүчинтэй үлдээснийг Интерфакс агентлаг мэдээлжээ.

Шүүхийн мэдээлэлд дурдсанаар нэхэмжлэл нь хийн нийлүүлэгч хэрэглэгчдэд хүргэх дэд бүтцээ бие даан хянах ёсгүй гэсэн зарчмын эсрэг чиглэсэн байжээ.

Шүүх уг удирдамж хийн хоолойд хамаарахгүй гэсэн амлалтыг ЕХ компанид өгөөгүй гэж үзжээ.

Харин хэдэн жилийн турш эдгээр дүрэм гуравдагч орны хий дамжуулах хоолой, тэр дундаа «Норд Стрийм 2»-т хамаарна гэсэн дохио өгч байсан гэж шүүхийн мэдээлэлд онцолжээ.

Давамгай байр суурьтай нийлүүлэгчид байр сууриа урвуулан ашиглахаас сэргийлэх зорилготой тул хийн нийлүүлэгч хоолойг хянах ёсгүй гэсэн заалт үндэслэлтэй гэж шүүх дүгнэжээ.

Маргаантай удирдамж 2019 оны 5 дугаар сарын 23-нд хүчин төгөлдөр болсон. Удирдамж магистраль шугамын операторуудаас тээвэрлэлтийн үйл ажиллагааг өмчлөлийн түвшинд тусгаарлаж, гуравдагч этгээдэд ил тод тарифаар ялгаварлалгүй нэвтрэх эрх олгохыг шаарддаг.