ЕХ тогтвортой байдлын дүрмээ чангатгаж байгаа тул Вьетнамын хямд кофе давуу талаа алдаж магадгүй

Европын холбоо тогтвортой байдлын дүрмээ чангатгаж байгаа тул Вьетнамын хямд кофе экспортод сонирхол татахаа болино гэж Нестле Вьетнам компанийн тэргүүн Бину Жейкоб 11 дүгээр сарын 3-нд Хо Ши Мин хотод анхааруулсныг Форчун сэтгүүл мэдээлжээ.

Вьетнам бол дэлхийн хоёр дахь том кофе үйлдвэрлэгч бөгөөд уусдаг кофенд голдуу хэрэглэдэг робуста сортын хамгийн том үйлдвэрлэгч юм. Европ дэлхийн кофены хэрэглээний 24 орчим хувийг эзэлдэг.

«Хэрэв бид үнэ цэнийн гинжин хэлхээнд дээшилж, тогтвортой, өндөр стандартыг хангасан кофе үйлдвэрлэхгүй бол экспортлох боломжгүй болно» гэж Жейкоб хэлжээ.

ЕХ-ны ойн хомсдлын тухай дүрэм ихэнх компанид 2026 оны 12 дугаар сарын 30-наас хэрэгжиж, зарим жижиг бизнест 2027 онд хамаарах юм.

Ханой Брюссельтэй хамтран ажиллаж байгаа бөгөөд ЕХ-ны дэмжлэгтэй төсөл 400 гаруй кофены аж ахуйн нэгжийг дэмжиж, нийлүүлэлтийн гинжин хэлхээний 1.4 сая орчим тариаланч, ажилчдад шууд бусаар ашиг тусаа өгөх төлөвтэй.

Нестле сүүлийн 15 жилд өвчинд тэсвэртэй 100 сая кофены суулгацыг эд эсийн өсгөвөрөөр үржүүлж, төв Вьетнамын тариаланчдад хөнгөлөлттэй үнээр тараажээ. Жейкобын хэлснээр үүний үр дүнд Вьетнамын кофены ургац дэлхийн дунджаас гурав дахин өндөр болсон байна.