Ерөнхийлөгч И Жэ Мён Германы Канцлер Фридрих Мерцтэй Сөүлд уулзахаар болжээ

Өмнөд Солонгосын Ерөнхийлөгч И Жэ Мён пүрэв гарагт Германы Канцлер Фридрих Мерцтэй Сөүлд дээд хэмжээний уулзалт хийж, хоёр орны эдийн засгийн хамтын ажиллагааг өргөжүүлэх асуудлыг хэлэлцэхээр болжээ. Энэ тухай Ёнхап агентлаг мэдээлэв.

Энэ нь Мерц албан тушаалд орсноос хойш Өмнөд Солонгост хийж буй анхны айлчлал бөгөөд Германы канцлер гурван жилийн дараа тус улсад анх удаа айлчилж байна.

Ерөнхийлөгчийн тамгын газрын мэдээлснээр хоёр удирдагч Чонвадэд уулзаж, хэвлэлд хамтарсан мэдэгдэл хийсний дараа албан ёсны зоог барих аж.

«Энэ айлчлал хоёр орны харилцааг илүү стратегийн, алсын хараатай чиглэлд ахиулахад тус болно» гэж Ерөнхийлөгчийн тамгын газрын хэвлэлийн төлөөлөгч Кан Юү Жон өмнө нь мэдэгдсэн байна.

Хоёр өдрийн айлчлалын үеэр Мерц Германы бизнесийн Ази, Номхон далайн 19 дэх бага хуралд оролцоно. Хоёр удирдагч хамгийн сүүлд зургадугаар сард Францад болсон Их долоогийн дээд хэмжээний уулзалтын үеэр уулзсан бөгөөд энэ нь Мерц албан тушаалд орсноос хойших тэдний гурав дахь уулзалт болох юм.