Европын холбооны газар доорх хийн агуулахууд 74.96 хувь дүүрсэн байна

Европын газар доорх агуулахуудын байгалийн хийн нөөц аравдугаар сарын 27-ны байдлаар 74.96 хувьд хүрчээ. Энэ тухай Интерфакс агентлаг Европын хийн дэд бүтцийн операторуудын холбооны мэдээллийг иш татан мэдээлэв.

Энэ нь сүүлийн таван жилийн мөн үеийн дунджаас 14.64 нэгж хувиар бага байна. Харин сүүлийн долоо хоногт агуулахад өдөрт дунджаар 55 сая шоо метр хий цэвэр шахсан нь таван жилийн дунджаас 18.5 хувиар их аж.

Европын байгалийн хийн нөөцийн түвшин дэлхийн хийн зах зээлийн гол үзүүлэлт болдог. ЕХ-ны агуулах системийн нийт хүчин чадал 110 тэрбум шоо метр идэвхтэй хий бөгөөд Европ шингэрүүлсэн байгалийн хийн дэлхийн зах зээлд хамгийн том импортлогч болжээ.

Салхин цахилгаан станцууд энэ сарын эхнээс бүс нутгийн цахилгааны хэрэгцээний дунджаар 22 хувийг хангаж байгаа бол 2025 оны аравдугаар сард энэ үзүүлэлт 21 хувь байжээ.

2026 оны аравдугаар сард шингэрүүлсэн байгалийн хийн импорт 8.3 сая тонн болж, өмнөх оны мөн үеэс 14 хувиар буурах төлөвтэй байна.