Зеленский Европыг энхийн хэлэлцээнд төлөөлөх хүнээ яаралтай сонгохыг уриалжээ

Украины Ерөнхийлөгч Володимир Зеленский Оростой хийх энхийн хэлэлцээнд Европыг хэн төлөөлөхийг Украиныг дэмжигч Европын орнууд хурдан шийдэх ёстой гэж мэдэгджээ. Энэ тухай Политико сайтын Европ дахь хэвлэл мэдээлэв.

Тэрээр ЕХ болон Их Британи, Норвеги зэрэг Украиныг дэмжигч гишүүн бус орнуудаас бүрэн эрх авсан нэг хүн байх нь зүйтэй, эв нэгдэл чухал гэж үзжээ.

«Европыг хэлэлцээнд хэн төлөөлөхийг 11 дүгээр сард, үүнээс хойш биш, хүлээн зөвшөөрөх хэрэгтэй гэж бодож байна» гэж Зеленский хэлсэн байна.

Тэрээр Мягмар гарагт Дани улсад айлчлах үеэр энэ асуудлыг 11 дүгээр сарын 19-нд Германд болох хүсэл зоригтой орнуудын эвслийн уулзалтаар шийдэхийг хүсч байгаагаа илэрхийлжээ.

Европ Украины дайны гадаад санхүүжилтийн дийлэнхийг гаргаж байгаа ч хэн төлөөлөх, Владимир Путинтэй ярих эсэх асуудлаар хуваагдсан хэвээр байна. Италийн Ерөнхий сайд Жоржа Мелони өнгөрсөн долоо хоногт ЕХ-ны энхийн хэлэлцээнд оролцох байдлыг эмх замбараагүй гэж шүүмжилсэн юм.

Энэ асуудлыг энэ долоо хоногийн сүүлээр Дублинд болох дээд хэмжээний уулзалтаар хэлэлцэх бөгөөд АНУ-ын албаныхан дараагийн удаа Европ хэлэлцээнд бүрэн оролцохыг хүсч байгаагаа тодорхой илэрхийлсэн аж.