АНУ, Ираны мөргөлдөөнийг давахад Ирак гүүр болж чадна гэж АНУ-ын элч Том Баррак мэдэгдэв
Иракийн хамгийн том саад бол бусад орон бус өөрийнх нь хууль дээдлэх ёсны тодорхойгүй байдал гэж Баррак үзэж байна.
АНУ-ын Ирак, Сири дэх элч Том Баррак Багдад Вашингтоны Иранд тавьсан бүслэлтийг даван туулах гүүр болж чадна гэж Лондон дахь Чатам Хаусын Иракийн санаачилгын арга хэмжээнд мэдэгджээ. Энэ тухай Зэ Нэшнл сонин мэдээлэв.
“Та Ираны дайсан байх албагүй, хаалгыг нээх ид шидийн түлхүүр байж болно” гэж тэрбээр хэлсэн байна.
Ерөнхийлөгч Дональд Трампын Турк дахь Элчин сайдаар мөн ажилладаг Барракийн үзэж буйгаар, Ирак хоногт 10 сая баррель нефть олборлох зорилт тавьж, түүнийг худалдан авагчдад хүргэх хоолойг санхүүжүүлэх гадаадын хөрөнгө оруулагч хайх хэрэгтэй юм. Ормузын хоолойгоор үргэлжлүүлэн тээвэрлэхийн зэрэгцээ нэмэлт хоолой барих нь хөгжил цэцэглэлт авчирна гэж тэрбээр хэлсэн байна.
Баррак 2 дугаар сарын 28-нд Ираны эсрэг дайн эхэлснээс хойших бүс нутгийн үр дагаврын талаар ярихдаа үлдсэн зургаа, долоон сая баррельд нийлүүлэх өөр зам заавал хэрэгтэй гэжээ. Америк, Франц, Итали, Ойрхи Дорнодын компаниуд туслахад бэлэн байгааг тэрбээр онцолсон байна.
Гэвч хөрөнгө оруулагчдыг тайвшруулах дүрэм журам хэрэгтэй хэвээр байгаа юм.
