АНУ-ын Тэнгисийн цэргийн хүчин Ираны блокад сэргээснээс хойш 144 худалдааны хөлгийг саатуулжээ

АНУ-ын Тэнгисийн цэргийн хүчин Ираны тэнгисийн блокадыг сэргээснээс хойш Ираны боомт руу явж байсан болон тэндээс гарсан 144 худалдааны хөлгийг саатуулсан гэж АНУ-ын Төв командлалыг иш татан Интерфакс агентлаг мэдээлэв.

Командлалын мэдээлснээр аравдугаар сарын 31-ний байдлаар 144 хөлгийг чиглэлийг нь өөрчилжээ.

Сүүлийн зургаан сард АНУ-ын хүчний дэмжлэгтэйгээр Ормузын хоолойгоор 3 мянга гаруй худалдааны хөлөг нэвтэрсэн нь энэ хугацаанд хоолойгоор өнгөрсөн бүх хөлгийн 95 гаруй хувь юм. АНУ энэ зунаас Персийн булангийн түншүүддээ 1.5 тэрбум гаруй баррель нефть экспортлоход тусалсан гэж командлал мэдэгджээ.

АНУ-ын Тэнгисийн цэргийн хүчин долоодугаар сарын 14-нд блокадыг сэргээсэн юм. Өмнөх блокад дөрөвдүгээр сарын 13-наас зургаадугаар сарын 18 хүртэл үргэлжилж, тэр үед 142 хөлгийн чиглэлийг өөрчилж, есөн хөлгийг ажиллагаанаас гаргасан байна.