Арабын Нэгдсэн Эмират Улс эмэгтэйчүүдийг цусаа хандивлахад уриалах аян эхлүүлжээ
Жилийн турш үргэлжлэх аян сайн дурын цусны хандивын соёлыг бэхжүүлэх зорилготой юм.
Абу-Даби хотын Эрүүл мэндийн үйлчилгээний компани Сэха цусны хандивт эмэгтэйчүүдийн гүйцэтгэх үүргийг онцолж, илүү олон эмэгтэйг хандив өгөхөд уриалах улс даяарх аян эхлүүлсэн гэж Зе Нэшнл сонин мэдээлжээ.
Сэхагийн мэдээлснээр 2020 оноос хойш 8,599 Эмиратын эмэгтэй цусны донороор бүртгүүлж, 4,022 удаа цус хандивласан байна.
Төрөл бүрийн хандивлагчид цусны нөөцийн хомсдлоос сэргийлэхэд тусалдаг бөгөөд цусны хэрэгцээ хүн амын бүх бүлэгт, тэр дундаа төрөлтийн хүндрэлтэй эмэгтэйчүүдэд байдаг аж.
Аяны хүрээнд эмэгтэйчүүдэд чиглэсэн сурталчилгаа, боловсрол, олон нийтийн оролцооны үйл ажиллагаа, хандивлагчдыг урамшуулах хөтөлбөрүүдийг жилийн турш зохион байгуулна.
«Энэ аян тэдний оруулсан хувь нэмрийг үнэлэхийн зэрэгцээ шаардлага хангасан илүү олон эмэгтэйг оролцоход урамшуулах боломж олгож байна» гэж Сэхагийн Цусны банкны үйлчилгээний эмнэлгийн захирал Иман Аль Заби хэлжээ.
Хандивлагчид 18-65 настай, 50 кг-оос багагүй жинтэй, эрүүл, Эмиратын иргэний үнэмлэхтэй байх ёстой бөгөөд жуулчид, зочдод ерөнхийдөө цус хандивлах боломжгүй юм.
