Бинанс бирж мөнгө татах үйлчилгээгээ нэг хагас хоногийн дотор сэргээхээр төлөвлөж байна

Дэлхийн хамгийн том криптовалютын бирж Бинанс мөнгө татах үйлчилгээгээ нэг хагас хоногийн дотор сэргээж эхлэхээр төлөвлөж байгаагаа мэдэгджээ. Энэ тухай РИА Новости агентлаг мэдээлэв.

“Техникийн баг аюулгүй байдлын шалгалт дууссан тохиолдолд мөнгө татах үйлчилгээг сэргээж эхлэхээр төлөвлөж байна. Үйл явц үе шаттай явагдана” гэж Бинансын мэдэгдэлд дурджээ.

Бинансын төлөөлөгч бирж хакерын халдлагын бүх хохирлыг өөрийн хөрөнгө болон хэрэглэгчдийг хамгаалах нөөц сангаас нөхөн төлнө гэж РИА Новости агентлагт хэлжээ.

Үүний өмнө Бинансыг үүсгэн байгуулагч Чанпэн Жао бирж хакерын халдлагад өртсөн бололтой ч хэрэглэгчдийн хөрөнгө аюулгүй гэж мэдэгдсэн юм. Компанийн урьдчилсан тооцоогоор, энэ явдал 6.3 тэрбум орчим ам.долларын хөрөнгөд нөлөөлжээ.