Эй Эм Ди дараагийн үеийн суулгагдсан процессороо Самсунгтай хамтран хөгжүүлж байна

АНУ-ын Эй Эм Ди компани дараагийн үеийн суулгагдсан процессороо Самсунг Электроникстой хамтран хөгжүүлж байгааг салбарын албаныхан Лхагва гарагт мэдэгджээ. Энэ тухай Ёнхап агентлаг мэдээлэв.

Эй Эм Ди Мягмар гарагт Самсунгийн байгууллагын санах ой, хадгалах төхөөрөмжийн шийдлийг ашигласан зургаа дахь үеийн Эпик Эмбеддед 9006 процессороо танилцуулсан байна.

“Санах ой, оролт гаралтын технологи хөгжихийн хэрээр үйлдвэрлэлийн туршилтын орчин ч гүйцэтгэл, зурвасын өргөний өсөн нэмэгдэж буй шаардлагад нийцэн хөгжих ёстой” гэж Самсунг Электроникс-ийн ахлах албан тушаалтан Чой Жан Сок хэлжээ.

Хамтын ажиллагаагаар Самсунг дараагийн үеийн санах ойн гүйцэтгэлийг шалгахад шаардлагатай тооцооллын хүчин чадал, санах ойн зурвасын өргөн, өгөгдлийг өндөр хурдаар боловсруулах чадамжийг олж авахыг зорьж байгаа юм.