Гуанжоуд гадаад зорчигчоос 90 ам.доллар илүү авсан таксины жолоочийг саатуулжээ

Хятадын Гуандун мужийн Гуанжоу хотод таксины жолооч гадаад зорчигчоос ердийн үнээс 600 юанаар (ойролцоогоор 90 ам.доллар) илүү авсан тул залилангийн сэжигтэйгээр долоо хоног захиргааны журмаар саатуулагджээ гэж И Си Эн Эс сайт мэдээлэв.

Жуань овогт жолооч Гуанжоу Байюнь олон улсын нисэх буудлын 2 дугаар терминалаас зорчигчийг авч, Гуанжоу Өмнөд галт тэрэгний буудалд хүргэсэн байна.

Зорчигч 10 дугаар сарын 22-нд цагдаад хандаж, цагдаа 11 дүгээр сарын 1-нд жолоочийг саатуулжээ.

Гуанжоу хотын Тээврийн товчоо үнийн журам зөрчсөн хэрэг нээхээр болжээ. Байюнь групп жолоочийг ажлаас халахаар шийдвэрлэсэн байна.