Индонезид түймрээс аварсан есөн орангутаныг ой руу нь буцааж тавьжээ

Индонезийн байгаль хамгаалагчид аравдугаар сарын 29-ний пүрэв гарагт Бату Ньямбу хамгаалалттай ойд түймрээс аварсан есөн орангутаныг байгальд нь буцааж тавьжээ. Энэ тухай Евроньюс мэдээлэв.

Тэдний дунд төлөө дагуулсан дөрвөн эх байсны гурав нь сүүлийн мал эмнэлгийн үзлэгээр хээлтэй болох нь тогтоогджээ.

Орангутануудыг наймдугаар болон есдүгээр сард Кетапанг дахь далдуу модны тариалангаас аварсан бөгөөд зарим нь гар, хөлдөө түлэгдэж, зарим нь хэт турж, хоол тэжээлийн дутагдалд орсон байсан гэж зэрлэг амьтныг нөхөн сэргээх ЙИАРИ сангийн тэргүүн Кармеле Льяно Санчес хэлжээ.

Нөхөн сэргээх төвд дөрвөөс найман долоо хоног эдгэрсний дараа тэднийг машин, завь, явганаар тээвэрлэн 23,000 гектар бүхий хамгаалалттай бүсэд хүргэсэн байна. Энэ бүсийг харьцангуй хөндөгдөөгүй орчин, элбэг хоол хүнстэй тул сонгожээ.

Индонезийн Ойн яамны мэдээллээр, наймдугаар сарын эхнээс хойш Баруун Калимантанд шатаж буй ойгоос дор хаяж 51 орангутаныг аварсан. Нусантара Атлас ажиглалтын байгууллагын тооцоогоор, 2026 оны эхний есөн сард Индонезид 1.9 сая гаруй гектар газар түймэрт шатжээ.