Ирантай холбоотой хоригийн жагсаалтад Канадын найман компанийг АНУ нэмж оруулжээ

АНУ-ын Сангийн яамны Гадаад хөрөнгийн хяналтын газар Канадын найман компанийг Ирантай холбоотой хоригийн жагсаалтад оруулсан гэж Ведомости сонин мэдээлжээ.

«Канад Ираны дэглэм болон түүний түшиг этгээдүүдэд хориг тойрох үйлчилгээ үзүүлдэг хууль бус санхүүгийн зуучлагчдын хоргодох газар байж болохгүй» гэж АНУ-ын Сангийн сайд Скотт Бессент мэдэгджээ.

Хоригийн жагсаалтад орсон компанийн АНУ дахь хөрөнгийг царцааж, Америкийн иргэд, хуулийн этгээдэд түүнтэй бизнес эрхлэхийг хориглодог.

Үүнээс өмнө буюу 9 дүгээр сарын 9-нд Ерөнхийлөгч Дональд Трамп Канадад үйлдвэрлэсэн барааг төрийн худалдан авалтын жагсаалтаас хасахыг холбогдох газруудад үүрэг болгосон юм.