Туркт НҮБ-ын уур амьсгалын бага хурал эхэлж, Оросын 16 хүний төлөөлөгчид оролцож байна

НҮБ-ын уур амьсгалын өөрчлөлтийн КОП31 бага хурал Туркийн Анталья хотод ажлаа эхэлж, Оросын төлөөлөгчдийг Ерөнхийлөгчийн уур амьсгал, усны нөөцийн асуудал хариуцсан тусгай төлөөлөгч Руслан Эдельгериев ахалж байгааг Интерфакс агентлаг мэдээлжээ.

16 хүний бүрэлдэхүүнтэй төлөөлөгчдийн орлогч даргаар Эдийн засгийн хөгжлийн сайд Максим Решетников зэрэг гурван албан тушаалтан ажиллах аж. Мөн таван дэд сайд оролцохоо мэдэгдсэн байна.

Эдийн засгийн хөгжлийн яам бага хурлын хүрээнд Оросын павильон байгуулж, 11 сэдэвт чиглэлээр 50 орчим арга хэмжээ зохион байгуулахаар төлөвлөжээ.

Урьдчилсан мэдээллээр павильоны арга хэмжээнд Газпром, Лукойл, Новатэк, Росатом, Сбербанк, Аэрофлот, Норильскийн никель зэрэг компанийн төлөөлөгчид оролцоно.