Олон улсын иргэний нисэхийн байгууллага Оросын нүүрстөрөгчийн системийн хүсэлтийг дахин ирүүлэхийг зөвлөжээ

Олон улсын иргэний нисэхийн байгууллага ИКАО-гийн Техникийн зөвлөх зөвлөл Оросын уур амьсгалын төслийн системийг агаарын тээврийн утааг нөхөх КОРСИА хөтөлбөрт магадлан итгэмжлэх хүсэлтийг хянаад, сайжруулж 2027 онд дахин ирүүлэхийг санал болгосныг Интерфакс агентлаг мэдээлжээ.

ИКАО-гийн цахим хуудсанд нийтэлсэн материалд 2026 онд үнэлэгдсэн Оросын системийн журам, стандарт нь 2021 оны 1 дүгээр сарын 1-нээс хойшхи бууралтад тавих шалгуурыг хэсэгчлэн хангаж байна гэжээ.

Оросын Эдийн засгийн хөгжлийн яам ирэх онд системээ болон хүсэлтээ сайжруулахаар төлөвлөж буйгаа мэдэгдсэн. Мөн 2026 оны 9 дүгээр сарын 1-нээс хэрэгжиж эхэлсэн, хүлэмжийн хий ялгарах эрсдэлтэй уур амьсгалын төслийн хэсгийг 2027 оны үнэлгээнд багтаахаар зорьж байгаа аж.

Яамны хэлснээр агаарын тээвэрлэгчид 2027-2029 оны утааны нөхөх үүргээ анх удаа 2030 онд биелүүлэх тул хойшлуулалт Оросын агаарын тээврийн компаниудад одоогоор сөрөг нөлөө үзүүлэхгүй.

2027 оноос КОРСИА-гийн заавал хэрэгжүүлэх үе шат ИКАО-гийн гишүүн ихэнх орон, тэр дундаа Орост эхэлнэ. Ингэснээр Оросын агаарын тээврийн компаниуд гадаад нислэгийн түлшний хэрэглээгээ хянаж, жил бүр нүүрстөрөгчийн тайлан гаргаж, 2031 оноос суурь түвшнээс давсан утаагаа нөхөх шаардлагатай болно.

Орос 2026 оны 3 дугаар сард хүсэлтээ гаргасан бөгөөд энэ онд зөвлөлд ирсэн 26 хүсэлтээс 4-ийг нь баталжээ. Тэдгээрийн хоёр нь Дэлхийн банкны хөтөлбөр, нэг нь Тайландын засгийн газрын хөтөлбөр байна.