Жүдогийн аварга Тедди Ринер Францын ерөнхийлөгчийн сонгуульд нэр дэвшихээ зарлав

Жүдогийн аварга Тедди Ринер ирэх хаврын Францын ерөнхийлөгчийн сонгуульд нэр дэвшихээ Даваа гарагт зарласныг Киодо агентлаг мэдээлжээ.

37 настай Ринер Олимпоос нийт долоон медаль хүртсэн бөгөөд 2024 оны Парисын наадамд хүнд жинд гурав дахь удаагаа Олимпийн аварга болж дээд амжилт тогтоосон.

Олон нийтийн сүлжээнд нийтэлсэн видеондоо тэрээр Францад нийгмийн үймээн, хэт баруун, хэт зүүний хуваагдал байгаад санаа зовж буйгаа илэрхийлж, улс орноо дахин босгохын төлөө тэмцэнэ гэж амласан байна.

«Тэмцэл үргэлж миний мөн чанарын нэг хэсэг байсаар ирсэн» гэж Францын далайн чанад дахь Гваделуп нутгаас гаралтай Ринер хэлжээ.

Тэрээр Францын хамгийн алдартай тамирчдын нэг ч олон нэр дэвшигчтэй өрсөлдөөнд энэ нэр хүнд нь сонгогчдын дэмжлэг болж хувирах эсэх тодорхойгүй байна.

Эмманюэль Макроныг залгамжлах хаврын сонгуулийн өмнөх санал асуулгад хэт барууны Үндэсний нэгдэл намын Марин Ле Пен илт тэргүүлж байна.