Хайнань арлын гаалийн татваргүй худалдаа бодлогын өөрчлөлтийн эхний жилд 13.8 хувиар өсчээ

Хятадын Хайнань арал дээрх гаалийн татваргүй худалдааны борлуулалт 2025 оны 11 дүгээр сараас 2026 оны 10 дугаар сар хүртэл гучин гурван тэрбум дөрвөн зуун тавин сая юань хүрснийг Хайкоу хотын гаалийг иш татан И Си Эн Эс сайт мэдээлжээ. Энэ нь өмнөх оны мөн үеэс 13.8 хувиар их байна.

Энэ хугацаанд 4.879 сая удаа худалдан авалт хийгдэж 8.6 хувиар өссөн бол худалдан авсан барааны тоо 27.644 сая болж, 2.4 хувиар нэмэгджээ.

2025 оны 11 дүгээр сарын 1-нээс хэрэгжсэн бодлогын өөрчлөлтөөр татваргүй барааны ангиллыг 45-аас 47 болгож, хувцас, гутал, цай зэрэг дотоодын зургаан төрлийн бүтээгдэхүүнийг татваргүй сувгаар борлуулахыг зөвшөөрчээ.

Гаалийн мэдээлснээр шинээр нэмэгдсэн ангиллын борлуулалт эхний жилд 210 сая юань, дотоодын бүтээгдэхүүнийх 240 сая юань болжээ.

Шинэчилсэн бодлогоор Хайнаниас гадаад руу явж буй зорчигчид татваргүй худалдаа хийх эрхтэй болсноор эхний жилд 24 000 удаа, 160 сая юанийн худалдан авалт бүртгэгджээ.